Zorobabel Ang Anghel Sa Silangan

Si Zorobabel ba ang tunay na anghel sa sikatan ng araw? Ito ang ating aalamin natin. Basahin natin ang pagpapakilala sa kanya ng mga isinulat ng mga propeta.

Hagai 2:21,22,23
21 Salitain mo kay Zorobabel na gobernador sa Juda, na iyong sabihin, Aking uugain ang langit at ang lupa;
22 At aking guguluhin ang luklukan ng mga kaharian, at aking gigibain ang lakas ng mga kaharian ng mga bansa; at aking guguluhin ang mga karo, at yaong nagsisisakay sa mga yaon; at ang mga kabayo at ang mga sakay ng mga yaon ay mangahuhulog, ang bawa't isa'y sa pamamagitan ng tabak ng kaniyang kapatid.
23 Sa araw na yaon, sabi ng Panginoon ng mga hukbo, kita'y kukunin, Oh Zorobabel, na aking lingkod, na anak ni Sealtiel, sabi ng Panginoon, at gagawin kitang pinaka panatak; sapagka't pinili kita, sabi ng Panginoon ng mga hukbo.

Malinaw na susuguin ng Panginoon si Zorobalel sa araw na uugain ng Diyos ang langit at ang lupa. Ang pag uga sa langit at lupa ay ipinahihiwatig sa bagong tipan na magaganap pa sa hinaharap.

Hebreo 12:27,28,29
27 At itong salita, Minsan pang, ay pinakakahuluganan ang pagaalis niyaong mga bagay na niyanig, gaya ng mga bagay na ginawa, upang mamalagi ang mga hindi niyanig.
28 Kaya't pagkatanggap ng isang kahariang hindi magagalaw, ay magkaroon tayo ng biyayang sa pamamagitan nito ay makapaghahandog tayong may paggalang at katakutan ng paglilingkod na nakalulugod sa Dios:
29 Sapagka't ang Dios natin ay isang apoy na mamumugnaw.

Sinasabi ni Pablo na aalisin ang mga nayayanig at mananatili ang mga hindi nayayanig. Basahin natin sa aklat ng Apocalipsis kung kailan mawawala ang mga nayayanig.

Apocalipsis 6:12-17
12 At nakita ko nang buksan niya ang ikaanim na tatak, at nagkaroon ng malakas na lindol; at ang araw ay umitim na gaya ng isang magaspang na kayong buhok na maitim, at ang buong buwan ay naging gaya ng dugo;
13 At ang mga bituin sa langit ay nangahulog sa lupa, gaya ng puno ng igos na isinasambulat ang kaniyang mga bungang bubot pagka hinahampas ng malakas na hangin.
14 At ang langit ay nahawi na gaya ng isang lulong aklat kung nalululon; at ang bawa't bundok at pulo ay naalis sa kanilang kinatatayuan.
15 At ang mga hari sa lupa, at ang mga prinsipe, at ang mga pangulong kapitan, at ang mayayaman, at ang mga makapangyarihan, at ang bawa't alipin at ang bawa't laya, ay nagsipagtago sa mga yungib at sa mga bato sa mga bundok;
16 At sinasabi nila sa mga bundok at sa mga bato, Mahulog kayo sa amin, at kami'y inyong itago sa mukha noong nakaupo sa luklukan, at sa galit ng Cordero:
17 Sapagka't dumating na ang dakilang araw ng kanilang kagalitan; at sino ang makatatayo?

Ang malakas na lindol sa verse 12 ay ang pag uga sa langit at sa lupa. Sa verse 14 ay sinasabing nalulon o nabalumbon ang langit at nawala ang mga bundok at ito ay katumbas ng nawala na ang langit at lupa. Kapag nayanig, ibig sabihin ay papalitan na ito ng hindi nayayanig ayon kay Pablo. Ano naman ang sinulat ng ibang propeta kung kailan magtatago ang mga tao sa mga yungib gaya ng sinasabi sa verse 16? Basahin natin ang sinulat ni Isaias.

Isaias 2:10,19,21
10 Pumasok ka sa malaking bato, at magkubli ka sa alabok, sa kakilabutan sa Panginoon, at sa kaluwalhatian ng kaniyang kamahalan.
19 At ang mga tao ay magsisipasok sa mga yungib ng malalaking bato, at sa mga puwang ng lupa, sa harap ng kakilabutan sa Panginoon, at sa kaluwalhatian ng kaniyang kamahalan, pagka siya'y bumangon upang yaniging may kapangyarihan ang lupa.
21 Upang pumasok sa mga puwang ng malalaking bato, at sa mga bitak ng mga malaking bato, sa harap ng kakilabutan sa Panginoon, at sa kaluwalhatian ng kaniyang kamahalan, pagka siya'y bumangon upang yaniging may kapangyarihan ang lupa.

Magtatago ang mga tao sa mga puwang ng malalaking bato at sa mga bitak ng malaking bato sa araw na pagbangon ng Panginoon upang yanigin ang lupa. Walang pinagkaiba sa sinabi sinasabi sa Apocalipsis.

Ano pa ang ibang sinulat ni Isaias na tumutugma sa aklat ng Apocalipsis?

Isaias 13:10,13
10 Sapagka't ang mga bituin ng langit at ang mga gayak niyaon, hindi magbibigay ng kanilang liwanag: ang araw ay magdidilim sa kaniyang pagsikat, at hindi pasisilangin ng buwan ang kaniyang liwanag.
13 Kaya't aking panginginigin ang mga langit, at ang lupa ay yayanigin mula sa kinaroroonan sa poot ng Panginoon ng mga hukbo, at sa kaarawan ng kaniyang mabangis na galit,

Ito ay kapareho ng nasa Apocalipsis 6:12,13 at ang nasa verse 13 ng Isaias 13 ay makikita sa Apocalipsis 6:17 na tungkol sa kaarawan ng poot o galit ng Panginoon.

Ang nasa ibaba ay tumutugma sa Apocalipsis 6:14

Isaias 34:4,8
4 At ang lahat na natatanaw sa langit ay malilipol, at ang langit ay mababalumbong parang isang ikid: at ang buo nilang hukbo ay mawawala na parang dahong nalalanta sa puno ng ubas, at gaya ng lantang dahon ng puno ng igos.
8 Sapagka't kaarawan ng panghihiganti ng Panginoon, na taon ng kagantihan sa pagaaway sa Sion.

2 Pedro 3:10
10 Datapuwa't darating ang araw ng Panginoon na gaya ng magnanakaw; na ang sangkalangitan sa araw na iyan ay mapaparam na kasabay ng malaking ugong, at ang mga bagay sa langit ay mapupugnaw sa matinding init, at ang lupa at ang mga gawang nasa lupa ay pawang masusunog.

Maaari ninyong basahin ang sinundan at sumunod na talata para matiyak kung kailan at paano ito magaganap.

Ngayon, kung babalikan natin ang talata sa Hagai 2:21-23 sa unahan, sa verse 23 ay sinasabi na si Zorobabel ay gagawing panatak. At binasa na rin natin ang nasa Apocalipsis 6:12-17 kaya ituloy natin ang pagbasa sa Apocalipsis 7:1,2

Apocalipsis 7:1,2
1 At pagkatapos nito ay nakita ko ang apat na anghel na nakatayo sa apat na sulok ng lupa, na pinipigil ang apat na hangin ng lupa, upang huwag humihip ang hangin sa lupa, o sa dagat man, o sa anomang punong kahoy.
2 At nakita ko ang ibang anghel na umaakyat mula sa sikatan ng araw, na taglay ang tatak ng Dios na buhay: at siya'y sumigaw ng tinig na malakas sa apat na anghel na pinagkaloobang maipahamak ang lupa at ang dagat,

Alamin muna natin kung sino ang darating ayon sa sinabi ni Jesus pagkatapos ng pagdilim ng araw, buwan at bituin at pagyanig sa langit at sa lupa dahil itong Apocalipsis 7:1,2 ay kasunod na nangyari ng Apocalipsis 6:12-17. Sinasabi sa verse 1 ng Apocalipsis 7 ang "At pagkatapos nito" Basahin natin ang katulad na pangyayari sa Mateo 24:29,30

Mateo 24:29,30
29 Datapuwa't karakarakang pagkatapos ng kapighatian sa mga araw na yaon ay magdidilim ang araw, at ang buwan ay hindi magbibigay ng kaniyang liwanag, at mangalalaglag ang mga bituin mula sa langit, at magsisipangatal ang mga kapangyarihan sa mga langit:
30 At kung magkagayo'y lilitaw ang tanda ng Anak ng tao sa langit: at kung magkagayo'y magsisitaghoy ang lahat ng mga angkan sa lupa, at mangakikita nila ang Anak ng tao na napaparitong sumasa mga alapaap ng langit na may kapangyarihan at dakilang kaluwalhatian.

Ayon kay Jesus, ang darating pagkatapos ng pagdilim ng araw, buwan at bituin at pagyanig o pangangatal ng langit at sa lupa ay ang Anak ng tao. Kung ganon, ang anghel na umaakyat sa sikatan ng araw (Apocalipsis 7:2) ay ang Anak ng tao. At ang Anak ng tao rin ang Zorobabel na kukunin ng Diyos (Hagai 2:23) sa araw na yayanigin o pangangatalin ng Diyos ang langit at lupa (Mateo 24:29)

Alamin natin kung ano pa ang patunay na ang Zorobabel na susuguin ay ang Cristo.

Zacarias 4:6-10
6 Nang magkagayo'y siya'y sumagot at nagsalita sa akin, na nagsasabi, Ito ang salita ng Panginoon kay Zorobabel, na sinasabi, Hindi sa pamamagitan ng kalakasan, ni ng kapangyarihan, kundi sa pamamagitan ng aking Espiritu, sabi ng Panginoon ng mga hukbo.
7 Sino ka, Oh malaking bundok? sa harap ni Zorobabel ay magiging kapatagan ka; at kaniyang ilalabas ang pangulong bato na may hiyawan, Biyaya, biyaya sa kaniya.
8 Bukod dito'y ang salita ng Panginoon ay dumating sa akin, na nagsasabi,
9 Ang mga kamay ni Zorobabel ay siyang naglagay ng mga tatagang-baon ng bahay na ito; ang kaniyang mga kamay ay siya ring tatapos; at iyong malalaman na ang Panginoon ng mga hukbo ay siyang nagsugo sa akin sa inyo.
10 Sapagka't sinong nagsihamak sa araw ng maliliit na bagay? sapagka't ang pitong ito ay mangagagalak, at makikita nila ang pabatong tingga sa kamay ni Zorobabel; ang mga ito'y mga mata ng Panginoon, na nangagpaparoo't parito sa buong lupa.

Zacarias 3:8,9
8 Dinggin mo ngayon, Oh Josue, na pangulong saserdote, dinggin mo, at ng iyong mga kasama na nangakaupo sa harap mo; sapagka't sila'y mga taong pinaka tanda: sapagka't narito, aking ilalabas ang aking lingkod na Sanga.
9 Sapagka't, narito, ang bato na aking inilagay sa harap ni Josue; sa ibabaw ng isang bato ay may pitong mata: narito, aking iuukit ang ukit niyaon, sabi ng Panginoon ng mga hukbo, at aking aalisin ang kasamaan ng lupaing yaon sa isang araw.

Ayon sa Zacarias 4:10 ay makikita ang mga pabatong tingga sa kamay ni Zorobabel. Ang pabatong tingga ayon sa Zacarias 3:9 ay may pitong mata. Ano naman ang sinasabi ng bagong tipan tungkol dito?

Apocalipsis 1:16,21
16 At sa kaniyang kanang kamay ay may pitong bituin: at sa kaniyang bibig ay lumabas ang isang matalas na tabak na may dalawang talim: at ang kaniyang mukha ay gaya ng araw na sumisikat ng matindi.
20 Ang hiwaga ng pitong bituin na iyong nakita sa aking kanang kamay, at ng pitong kandelerong ginto. Ang pitong bituin ay ang mga anghel ng pitong iglesia: at ang pitong kandelero ay ang pitong iglesia.

Amos 7:7
7 Ganito siya nagpakita sa akin: at, narito, ang Panginoon ay nakatayo sa tabi ng isang kuta na ang pagkayari ay ayon sa pabatong tingga, na may pabatong tingga sa kaniyang kamay.
Kaninong kamay nakita ang pitong anghel o pabatong tingga? Kanino sa palagay ninyo?

Ezekiel 9:2-7,11
2 At narito, anim na lalake ay nagsipanggaling sa daan ng mataas na pintuang-daan, na nalalagay sa dako ng hilagaan, na bawa't isa'y may kaniyang pangpatay na almas sa kaniyang kamay; at isang lalake ay nasa gitna nila na nakapanamit ng kayong lino, na may tintero ng manunulat sa kaniyang tagiliran. At sila'y nagsipasok, at nagsitayo sa siping ng tansong dambana.
3 At ang kaluwalhatian ng Dios ng Israel ay umilanglang mula sa kerubin, na kinapapatungan, hanggang sa pintuan ng bahay: at kaniyang tinawag ang lalaking nakapanamit ng kayong lino, na may tintero ng manunulat sa kaniyang tagiliran.  
4 At sinabi ng Panginoon sa kaniya, Pumaroon ka sa gitna ng bayan, sa gitna ng Jerusalem, at maglagay ka ng mga tanda sa mga noo ng mga taong nangagbubuntong-hininga at nagsidaing dahil sa lahat na kasuklamsuklam na nagawa sa gitna niyaon. 
5 At sa mga iba ay sinabi niya sa aking pakinig, Magsiparoon kayo sa bayan na magsisunod sa kaniya, at manakit kayo: huwag magpatawad ang inyong mata, o kayo man ay mahabag;  
6 Lipulin ninyong lubos ang matanda, ang binata at ang dalaga, at ang mga bata at ang mga babae; nguni't huwag lumapit sa sinomang lalake na tinandaan; at inyong pasimulan sa aking santuario. Nang magkagayo'y kanilang pinasimulan sa mga matandang lalake na nangasa harap ng bahay.  
7 At sinabi niya sa kanila, Lapastanganin ninyo ang bahay, at punuin ninyo ng patay ang mga looban: magsilabas kayo. At sila'y nagsilabas, at nanakit sa bayan.
11 At, narito, ang lalaking nakapanamit ng kayong lino, na may tintero ng manunulat sa kaniyang tagiliran, nagbalita ng bagay; na sinabi, Aking ginawa na gaya ng iniutos mo sa akin.

Kung napansin ninyo, ang lalaking nakapanamit ng kayong lino ay may tintero ng manunulat sa kanyang tagiliran sa halip na tabak. Tinatakan niya ang mga taong tumatangis dahil sa lahat na kasuklamsuklam. Ano ang mga kasuklamsuklam? Mababasa sa Ezekiel 8. Ang lalaking nakapanamit ng kayong lino ay simbulo ng Anak ng Diyos na siyang Cristo.