Digmaan sa Langit-Kasuklamsuklam na Paninira
Apocalipsis 12:4,7
4 At kinaladkad ng kaniyang buntot ang ikatlong bahagi ng mga bituin sa langit, at ipinaghagis sa lupa: at lumagay ang dragon sa harapan ng babaing manganganak na, upang lamunin ang kaniyang anak pagkapanganak niya.
7 At nagkaroon ng pagbabaka sa langit: si Miguel at ang kaniyang mga anghel ay nakipagbaka sa dragon; at ang dragon at ang kaniyang mga anghel ay nakipagbaka;
Kapareho ito sa Daniel 8:10,11
Daniel 8:10,11
10 At lumaking mainam, hanggang sa hukbo sa langit; at ang ilan sa hukbo at sa mga bituin ay iniwaksi sa lupa, at mga niyapakan yaon.
11 Oo, nagmalaki, hanggang sa prinsipe ng hukbo; at inalis niya sa kaniya ang palaging handog na susunugin, at ang dako ng kaniyang santuario ay ibinagsak.
Pareho naman ito ng nasa Daniel 11:31
Daniel 11:31
31 At mga pulutong ay magsisitayo sa kaniyang bahagi, at kanilang lalapastanganin ang santuario, sa makatuwid baga'y ang kuta, at aalisin ang palaging handog na susunugin, at kanilang ilalagay ang kasuklamsuklam na naninira.
Kung panahon ng kaganapan ang paguusapan, mangyayari ang mga ito sa panahon ng kawakasan. Daniel 8:17 at Daniel 11:22,40. Ito ang panahon ng pagdating ni Miguel (Daniel 12:1)
Kasuklamsuklam na Paninira-Armagedon
Daniel 7:10,11,21,22
10 Isang mabangis na sigalbo ay lumabas at nagmula sa harap niya: mga libo libo ang naglilingkod sa kaniya, at makasangpung libo na sangpung libo ang nagsitayo sa harap niya: ang kahatulan ay nalagda, at ang mga aklat ay nangabuksan.
11 Ako'y tumingin nang oras na yaon dahil sa tinig ng mga dakilang salita na sinalita ng sungay; ako'y tumingin hanggang sa ang hayop ay napatay, at ang kaniyang katawan ay nagiba, at siya'y nabigay upang sunugin sa apoy.
21 Ako'y tumingin, at ang sungay ding yaon ay nakipagdigma sa mga banal, at nanaig laban sa kanila;
22 Hanggang sa ang matanda sa mga araw ay dumating, at ang kahatulan ay ibinigay sa mga banal, ng Kataastaasan; at ang panaho'y dumating na inari ng mga banal ang kaharian.
Ang pangyayaring ito ay kapareho ng nasa Apocalipsis 20:4,7,8,9,12
Apocalipsis 20:4,7,8,9,10,12
2 At sinunggaban niya ang dragon, ang matandang ahas, na siyang Diablo at Satanas, at ginapos na isang libong taon,
3 At siya'y ibinulid sa kalaliman at sinarhan, at tinatakan ito sa ibabaw niya, upang huwag ng magdaya sa mga bansa, hanggang sa maganap ang isang libong taon: pagkatapos nito ay kailangang siya'y pawalang kaunting panahon.
4 At nakakita ako ng mga luklukan, at may mga nagsisiluklok sa mga ito, sila'y pinagkalooban ng paghatol: at nakita ko ang mga kaluluwa ng mga pinugutan ng ulo dahil sa patotoo ni Jesus, at dahil sa salita ng Dios, at ang mga hindi sumamba sa hayop, o sa kaniyang larawan man, at hindi tumanggap ng tanda sa kanilang noo at sa kanilang kamay; at sila'y nangabuhay, at nagsipagharing kasama ni Cristo sa loob ng isang libong taon.
7 At kung maganap na ang isang libong taon, si Satanas ay kakalagan sa kaniyang bilangguan,
8 At lalabas upang dumaya sa mga bansa na nasa apat na sulok ng lupa, sa Gog at sa Magog, upang tipunin sila sa pagbabaka: na ang bilang nila ay gaya ng buhangin sa dagat.
9 At nangagsipanhik sila sa kalaparan ng lupa, at kinubkob ang kampamento ng mga banal, at ang bayang iniibig: at bumaba ang apoy mula sa langit, at sila'y nasupok.
10 At ang diablo na dumaya sa kanila ay ibinulid sa dagatdagatang apoy at asupre, na kinaroroonan din naman ng hayop at ng bulaang propeta; at sila'y pahihirapan araw at gabi magpakailan kailan man.
12 At nakita ko ang mga patay, malalaki at maliliit, na nangakatayo sa harapan ng luklukan; at nangabuksan ang mga aklat: at nabuksan ang ibang aklat, na siyang aklat ng buhay: at ang mga patay ay hinatulan ayon sa mga bagay na nasusulat sa mga aklat, ayon sa kanilang mga gawa.
Sa pagkubkob ni Satanas sa banal na bayan ba mangyayari ang kasuklamsuklam na paninira? Medyo masalimuot ito. Pero basahin natin ang nasa Apocalipsis 11:15,18
Apocalipsis 11:15,18
15 At humihip ang ikapitong anghel; at nagkaroon ng malalakas na tinig sa langit, at nagsasabi, Ang kaharian ng sanglibutan ay naging sa ating Panginoon, at sa kaniyang Cristo: at siya'y maghahari magpakailan kailan man.
18 At nangagalit ang mga bansa, at dumating ang iyong poot, at ang panahon ng mga patay upang mangahatulan, at ang panahon ng pagbibigay mo ng ganting-pala sa iyong mga alipin na mga propeta, at sa mga banal, at sa mga natatakot sa iyong pangalan, maliliit at malalaki; at upang ipahamak mo ang mga nagpapahamak ng lupa.
Ang paghatol sa mga patay ay naganap sa mga panahong iyan. Ngayon ay aalamin natin kung ang nasa Apocalipsis 20:9 ay ang kasuklamsuklam na paninira. Kung babalikan natin ang panahon ng kaganapan, na ito ay sa araw nga ng paghatol sa mga patay. Apocalipsis 20:12. Kung magkapareho ito, dapat ay mababasa rin ang pagkubkob ni Satanas (Apocalipsis 20:9) sa ikaanim na trumpeta hindi po ba?. Alin kaya? Mababasa ito sa Apocalipsis 11:2
Apocalipsis 11:2,7
2 At ang loobang nasa labas ng templo ay pabayaan mo, at huwag mong sukatin; sapagka't ibinigay sa mga Gentil; at kanilang yuyurakang apat na pu't dalawang buwan ang banal na siudad.
7 At pagka natapos nila ang kanilang patotoo, ang hayop na umahon mula sa kalaliman ay babaka sa kanila, at pagtatagumpayan sila, at sila'y papatayin.
Pansinin na ang hayop ay umahon sa kalaliman, na kapareho ng nakasaad Apocalipsis 20:3,7 na si Satanas ay kakalagan sa bilangguan upang dayain ang mga bansa. Ang nakasaad sa Apocalipsis 11:2 ay mababasa sa Lucas 21:20,24 ang kaparehong hula.
Lucas 21,20,24
20 Datapuwa't pagka nangakita ninyong nakukubkob ng mga hukbo ang Jerusalem, kung magkagayo'y talastasin ninyo na ang kaniyang pagkawasak ay malapit na.
24 At sila'y mangabubuwal sa pamamagitan ng talim ng tabak, at dadalhing bihag sa lahat ng mga bansa: at yuyurakan ang Jerusalem ng mga Gentil, hanggang sa matupad ang mga panahon ng mga Gentil.
At ito nga ang kasuklamsuklam na paninira (Mateo 24:15 at Marcos 13:14) na walang maiiwang bato sa ibabaw ng kapwa bato. Lucas 19:43,44. At ito din naman ang sinasabi sa Daniel 11:31; 12:11 na panahon ng pagdating ni Miguel at pagkabuhay ng mga patay (Daniel 12:1,2) upang mangahatulan.
Tungkol sa three and a half years na sinasabi sa Apocalipsis 11:2, ito ba ay sinasabi din sa Daniel 7?
Daniel 7:25
25 At siya'y magbabadya ng mga salita laban sa Kataastaasan, at lilipulin niya ang mga banal ng Kataastaasan; at kaniyang iisiping baguhin ang panahon at ang kautusan; at sila'y mangabibigay sa kaniyang kamay hanggang sa isang panahon, at mga panahon at kalahati ng isang panahon.
Samakatuwid, ang kasuklamsuklam na paninira, armagedon at digmaan sa langit ay magkakapareho.
No comments:
Post a Comment